LAOAG CITY – Nagballaag ti House prosecution team kadagiti Pilipino kontra kadagiti fake news nga agwarwaras mainaig iti impeachment trial ni Bise Presidente Sara Duterte.
Segun ken ni prosecution team adviser ken spokesperson ti prosecution team a ni Robert Ace Barbers, rumbeng a kitaen ti publiko ti impormasion a makitada iti online ken, no mabalin, direkta a dumngeg kadagiti ebidensia a maidasar iti korte ti impeachment ti Senado.
Kinunana nga agtultuloy ti panagwaras dagiti online narratives kontra kadagiti kongresista a nangsuporta iti impeachment. Kinunana a no saan a makasungbat dagiti kritiko kadagiti isyu a naibasar iti linaonna, mangitunda daytoy iti personal a panagatake kontra kadagiti agsalsaludsod.
Nagballaag met ni retired Rear Admiral Roy Vincent Trinidad, pannakangiwat ti AFP iti West Philippine Sea, a lumawlawa ti foreign malign influence operations ken ususarenda met dagiti lokal a kontrobersia kas iti impeachment ken flood-control issues.
Kinuna ni AFP spokesperson Col. Francel Padilla a banbantayan dagiti militar ti online information ken makikokoordinarda kadagiti dadduma nga ahensia tapno maammuan ti kinapudno.
Inyunay-unayna nga agtitinnulong dagiti AFP intelligence ken cyber units tapno mapasingkedan ti impormasyon ken maipaay ti publiko iti evidence-based data.
