LAOAG CITY – Nagkiddaw ti House prosecution panel iti Senate impeachment court ti 62 trial dates tapno idasar dagiti ebidensia iti impeachment case kontra ken ni Vice President Sara Duterte.
Segun ken ni legal spokesperson Atty. Benjamin ‘Jay’ Tolosa Jr., daytoy ket segun iti kinaado dagiti saksi ken ebidensia a nakalista iti pre-trial brief. Kabayatan a 30 trial dates laeng ti kiddaw ti kampo ti depensa ni VP Sara.
Inlawlawagna pay a saan a kayatna a saoen nga umabot ti 62 nga aldaw ti panangusig gapu ta mabalin a mapadaras daytoy no palubosan ti korte ti panangdengngeg ti sumurok maysa a saksi iti kada aldaw.
Innayonna nga adda ti 97 a saksi ti nakalista ti depensa pakairamanan ti 51 a saksi a kapada ti listaan ti prosekusion.
Kabayatanna addaan met 248 iti 276 ebidensia ti prosekusion a karaman kadagiti ebidensia a maisubmitir ti depensa ken ti pinal a trial dates ket ikeddeng ti Senate impeachment court iti maiparuk-at a pre-trial order.
