LAOAG CITY – Inpublikaren ni House Speaker Faustino “Bojie” Dy III ti kopya ti Statement of Assets, Liabilities, and Net Worth wenno SALN-na.
Daytoy nga addang ni Dy ket kas paset ti panangtungpal iti inkarina nga aramiden a silulukat iti publiko ti baknangna kas maysa nga agserserbi iti publiko.
Basar iti dokumento ket dumanon iti ₱121.1 million ti pakabuklan nga asset ni Dy a bukbuklen dagiti agricultural land, lugan, investment shares ken dadduma pay a personal a sanikua.
Nangideklarar met ni Dy ti sumurok ₱47 million a liabilities isu a ti networth-na ket dumanon iti ₱74 million.
Malaksid ken ni Dy ket immunan a nangipublikar ti Statement of Assets, Liabilities, and Net Worth da Representatives Chel Diokno, Perci Cendaña, Dadah Ismula, Arlene “Kaka” Bag-ao, Antonio Tinio, Sarah Elago, Renee Co ken Kiko Barzaga.
