LAOAG CITY – Nakikaysa ni Speaker Ferdinand Martin G. Romualdez iti selebrasyon ti Women’s Month ken binigbig na ti kinapateg dagiti babbai ken ti panangilungalong dagiti addang tapno maaddaan ti gender equality ken women empowerment.
Inrakurak ti mangidadaulo iti kamara de representantes a ti Women’s Month ket maysa a panawagan tapno ikkaten dagiti lapped ken mangparnuay ti ad-ado nga oportunidad para kadagiti babbai iti amin a sektor.
Dinakamat pay ni Speaker Romualdez ti nabayagen a papel dagiti babbai iti panangmuli ti pakasaritaan ken panagdur-as ti pagilian, manipod iti kontribusyon iti balay agingga iti panangidaulo iti napapateg nga industriya ken gobierno.
Innayon ni Speaker Romualdez a nupay bigbigbigen dagiti addang a mangiwanwan iti karbengan dagiti babbai ket ado pay dagiti kasapulan nga aramiden tapno masigurado a kada babai ket nawaya a manggun-od ti sibubukel a potensyal na.
