LAOAG CITY – Naipaadaptar kadagiti nagduduma nga ahensia ti gobierno ti Household Composting and Seminar on Urban Gardening a paset ti programa ti Narimat nga Aglawlaw a programa ti Gobierno Probinsial.
Agarup nasurok 15 nga ahensia ti gobierno dagiti nagdingngeg no kasano ti istratehiya ti panagsisina ti basura pakairamanan pay ti panangliklik ti panagusar ti single use plastic kas kontribusion a makissayan ti basura a mapan kadagiti dump site wenno sanitary landfill.
Kalpasanna, immawat dagitoy ti kitchen composting kits babaen iti Environment and Natural Resources Office wenno ENRO pakairamanan pay iti panangisuro ti pannakabagi ti 4H Club.
Segun ken ni Bise Gob. Cecilia Araneta Marcos, nasaysayaat a marugian daytoy ti Kapitolio Probinsial ken kadagiti ahensia ti Gobierno National tapno in-inot a maiyam-ammo ken maadaptar ti kaadduan agingga a maaprisiar ken maipadanon kadagiti Barangay.
