LAOAG CITY – Inrubuat ti Provincial Government of Ilocos Norte ti Household Composting.
Segun ken ni Gov. Cecilia Araneta Marcos, daytoy ket tapno makissayan dagiti basura nga adda kadagiti landfill ditoy probinsia.
Inbatadna a masapul nga ad-adda a paigetan dagiti sanitation officers iti tunggal lokal a gobierno iti panangmonitorda kadagiti maikabkabil a basura.
Inlawlawagna a ti Household Composting ket mabalin nga usaren kas organic fertilizer dagiti mismo a residente kadagiti imulada.
Kunana nga agbiruk ti gobierno probinsial ti lima nga ektaria a daga nga isu ti mausar para iti pannakaipursige ti nasao a programa.
Innayonna a makikammayet ti gobierno probinsial iti Department of Environment and Natural Resources ken Provincial Environment and Natural Resources Office para iti daytoy a banag.
