LAOAG CITY – Rinaot dagiti Houthi rebels dagiti opisina ti United Nations iti Sanaa a kabisera ti Yemen ken inbalud da ti 11 a personnel ti United Nations.
Segun ken ni United Nations Secretary-General Antonio Guterres, nagpilit a simrek dagiti Houthis iti World Food Programme, kinumpiskar da dagiti sanikua ti United Nations ken ginandat da pay a serken ti dadduma nga opisina da iti kabisera.
Inaramid daytoy dagiti Houthi rebels kalpasan ti inyuswat na strike ti Israel iti Sanaa a nakatayan ti prime minister ti Yemen a ni Ahmed Ghaleb Nasser al-Rahawi ken dadduma pay a ministro.
Karaman kadagiti opisina ti United Nations a nakabase iti lugar ket ti United Nations Children’s Fund, United Nations Development Programme ken ti opisina ti United Nations High Commissioner for Refugees.
