LAOAG CITY – Ado dagiti personalidad ditoy Ilocos Norte a naduktalan ti Highway Patrol Group (HPG) a kabaelan na ti agaramid ti sabali a documento dagiti addan ti dati na a dokumento a lugan.
Daytoy ti inbatad ni Police Executive Master Sergeant Edward Mabutas, ti Assistant Team Leader iti Highway Patrol Group (HPG) ditoy probinsya.
Ibilang ni Mabutas a makaalarma daytoy a mapaspasamak ditoy probinsya isut gapuna a kalikagom da a maamoan amin dagiti agar-aramid kadagiti peke a dokumento ti lugan.
Immunan nga inlawlawag na a maysa kadagiti naduktalan da ket ti pannakaisalda ti maysa a lugan iti maysa nga indibidual ditoy probinsya no sadinno a ti nangisalda ket nagpaaramid ti sabali a dokumento ti luganna gapu ta awanen ti kapasidad na a mangipulang iti kwarta.
Innayon na a ti dakkel a problema ti nangsalda ket mabalin nga agtungpal pay nga arigna na carnap ti sinalda na a lugan.
