LAOAG CITY – Nagballaag ni Police Major Rufino Noog, mangidadaulo iti Ilocos Norte Highway Patrol Group kadagiti gumatang ti segunda mano a lugan.
Kuna na a nasken a maikumpirmar nga umuna dagiti magatang a segunda mano a lugan iti Land Transportation Office ken iti Highway Patrol Group nangruna dagiti lugan nga aggapu iti Metro Manila.
Segun kenni Noog, adda iti listaan da kadagiti maibilang nga “hot cars” wenno dagiti lugan a natakaw iti kallabes.
Namunganay ti panagballaag ti opsiyal gapu dagiti naawat da a reklamo seknan dagiti natakaw a lugan.
Maipalagip nga adda dagiti sumagmamano a lugan a naimpound iti INHPG gapu ta nagatang dagitoy a takaw.
