LAOAG CITY – Nagpanawagan ni Police Major Johnwen Balueta, ti mangidadaulo iti Highway Patrol Group ditoy probinsya, kadagiti motorista a makikooperar da kadagiti iwaywayat a checkpoint ti Philippine National Police kangrunaan na ket mapaspasangasangan ti Midterm Election.
Inbalakad na a kanayun nga itugot ti OR/CR ken lisensya nga agmaneho tapno awan ti agbalin a problema iti panagbiyahe aglalo no adda ti malabsan a checkpoint.
Inpetteng ni Balueta a gagem dagiti maipatpatungpal a checkpoint ket tapno maipasigurado ti kinatalged ti umili iti probinsya manipod kadagiti adda ti panggep na nga agisaknap ti nagduduma a krimen, saan ketdi a tapno mangharass dagiti otoridad.
