LAOAG CITY – Malukatan ti Human Milk Bank ditoy probinsya babaen iti Mariano Marcos Memorial Hospital and Medical Center (MMMHMC) idiay ciudad ti Batac iti kabiitan a panawen.
Daytoy ti kinumpirmaran ni Doctora Rocamia Fermin, ti Human Milk Bank Program Coordinator iti nasao nga ospital.
Segun ken ni Fermin, target ti ospital a lukatan ti nasao a Milk Bank intono Hunyo ita a tawen.
Inpanakkel na a daytoy ti kaunaan a Milk Bank a maestablisar iti Ilocos region isut gapuna a kalikagom na a makipartisipar amin dagiti nagduduma nga ili ken ciudad ditoy probinsya.
Innayon ni Doctora Fermin nga apaman a marugyan ti operasyon ti nasao a pasdek ket saan laeng a ditoy Ilocos Norte ti mabenepisyaran no di ket uray kadagiti kaparanget a probinsya.
