LAOAG CITY – Inrakurak ti gobierno ti Hungary ti panag-withdraw na manipod iti International Criminal Court (ICC).
Mismo a ti senior official ti gobierno ni Prime Minister Viktor Orban a ni Gergely Gulyas ti nangiwaragawag iti nasao nga addang ti nadakamat a pagilian.
Inaramid daytoy ti gobierno ti Hungary, sumagmamano nga oras kalpasan a simmangpet ni Israeli Prime Minister Benjamin Netanyahu iti pagilian.
Ni Netanyahu ket addaan met ti arrest warrant babaen iti International Criminal Court gapu iti maipagarop a war crimes iti Gaza iti agtultuloy a giyera ti Israel ken Hamas Militant.
Immunan nga inimbitaran ni Orban ti Israeli leader iti baet a naiparuk-at paylaeng ti warrant idi Nobyembre iti napalabas a tawen gapu ta inpetteng na nga awan ti epekto na daytoy iti pagilian da.
Ti Hungary ket founding member ti International Criminal Court nga addaan ti 125 a member states, ngem iti Estados Unidos, Russia, China ken Israel ken saanna a rekognisaren ti hurisdiksyon daytoy.
Maipalagip a ti International Criminal Court ket addaan ti bileg a mangdusa kadagiti maakusaran ti genocide, crimes against humanity.
