LAOAG CITY – Umabot iti ribu a residente ti Jamaica ti naawanan ti suplay ti koriente gapu iti panangdadael ti bagyo a Beryl.
Maibilang a category four ti bagyo a kapigsaan a timmama iti nadakamat a pagilian.
Nangiyeg daytoy iti napigsa a tudo iti pagilian a nagpaut iti 12 nga oras ken nangitunda iti panaglayus.
Mainaig iti daytoy, inikkatda ti hurricane warning ken sinukatanda iti flash flood watch.
Iti agdama kimmapuy ti bagyo ket nagbalin laengen a category 3 storm.
Kabayatanna, di kumurang a 12 a tattao ti natay idi dimteng ti bagyo a Beryl iti Caribbean.
