LAOAG CITY – Balligi ti naiwayat a buy bust operation ti PNP Bacarra iti paset ti Brgy. 40 Buyon iti nasao nga ili.
Nabigbig ti target ti operasyon a ni Adelson Galisa Acoba alyas buwaya, agtawen ti 40, awanan asawa ken trabaho ken residente iti nasao a barangay.
Narekobre manipud kenkuana ti uppat a babassit a sachet a naglaon ti maipagarop a shabu.
Malaksid kadagiti babassit a sachet, naala pay ti sangaribo a pisos, weighing scale ken maysa a cellphone manipud kenni Acoba.
Naamoan a ni Acoba ket maibilang nga high value target level 1 ken adda iti provincial level ngem saan pay a nakumpirmaran no ania ti ranko na.
