LAOAG CITY – Inpakaammo ti Inter-Agency Task Force on COVID-19 a pinalubusan dan a maadaan ti COVID-19 vaccine certificates a mausar para iti domestic travel.
Segun kenni IATF ken Malacañang spokesman Harry Roque, naaprobaran ti rekomendasyon a malukatan ti panagkiddaw ti COVID-19 digital vaccination certificates para iti domestic travel.
Immunan a naaddaan ti inoculation certificates manipud iti VaxCertPH a limitado laeng kadagiti outbound migrant workers.
Innayon ni Roque, nga amin a local government unit nga awanan ti kabukbukudan nga electronic vaccine administration system ket kasapulan nga usaren da ti system ti Department of Information and Communiations Technology tapno mairekord amin dagiti inoculation information.
Segun kenni Roque, binilin met ti COVID-19 task force ti DICT a mangipaay ti update iti mamindua a daras iti maysa a lawas seknan ti regional submission ti vaccination data.
Umabotan ti 26.8 milyon dagiti fully vaccinated ditoy pagilian manipud iti 109 a milyon a papulasyon.
