LAOAG CITY – Inlawlawag ti opisyal ti Presidential Task Force on Media Security (PTFoMS) nga awan ti pakairamanan iti imbestigasyon iti war on drugs ti International Criminal Court (ICC) ti manamnama nga ibibisita ni United Nations Special Rapporteur Irene Khan manipod Enero 23 agingga iti Pebrero 2 kalpasan ti imbitasyon ti gobyerno ti Pilipinas.
Segun ken ni Presidential Task Force on Media Security Executive Director Paul Gutierrez, ti ibibisita ni Khan iti pagilyan ket mangipaay ti dana iti panangimameg ti kinapudno ti naiget a pagtaktakderan ti Pilipinas iti karbengan ti tao ken kinawaya nga agirakurak.
Mangipakita pay daytoy a maikontra iti claims dagiti kritiko, ti estado ti journalism iti pagilyan ket vibrant.
Kuna na pay a welcome ni Khan a makasarita ni dati a Senador Leila de Lim a kritiko iti drug war ni dati a Presidente Rodrigo Duterte ken temporaryo a nawaya-wayaan iti kallabes kalpasan ti agarop pito a tawen na iti pagbaludan gapu iti maipagarop nga illegal a droga.
Kabayatanna, im-imbestigaren met ti International Criminal Court ti maipagarop a naaramid a crimes against humanity iti kampanya kontra iti iligal a droga ti Duterte administration.
Inpalgak pay ni Gutierrez a sipud 2007, ti ibibisita ni Khan iti babaen ti Marcos administration ti maikatlo a gundaway a bumisita ti United Nation Special rapporteur iti pagilyan tapno ipakita nga awan ti ilemlemmeng ti gobierno uno maipapan iti isyu ti karbengan ti tao iti pagilyan.
