LAOAG CITY – Inbilin ti International Criminal Court (ICC) ti balbaliw a pannakatingiting ti salun-at ni dati a Presidente Rodrigo Duterte tapno maamoan no kabaelan na paylaeng ti sumango iti trial mainaig iti sangsangwen na a kaso a crimes against humanity.
Iti naisayangkat nga umuna nga status conference, inbatad ni ICC Trial Chamber III Judge Joanna Korner a tingitingen manen dagiti eksperto ti sitwasyon ni Duterte kalpasan a nagpila ti mosyon ti kampo na.
Segun iti depensa, ti immuna a medical assessment ket para laeng iti confirmation of charges proceedings ken saan a para iti mismo a trial.
Inbatad ni Korner a possible a dagus nga ibilin ti korte ti baro a panangtingiting tapno maala ti updated a report mainaig iti salun-atti dati a presidente.
Gapu iti daytoy, intantan paylaeng ti ICC ti panangikeddeng ti eksakto a petsa ti panangrugi ti trial.
