LAOAG CITY – Naikeddeng a mangisayangkat ti International Criminal Court (ICC) Trial Chamber III ti status conference iti kaso a crime against humanity kontra ken ni dati a Presidente Rodrigo Duterte ita nga aldaw ti Miyerkules, Setyembre 16.
Mangrugi ti status conference iti oras ti alasa-4:30 intono malem, oras iti Pilipinas.
Iti maikatlo nga status conference ket trataren ti chamber ti sumagmamano nga isyu kas ti listaan dagiti witnesses, listahan dagiti ebidensiya, dagiti disclosure dagiti defense ken sumagmamano a possible nga insidente.
Karaman pay a matratar ket ti pannakaikeddeng ti schedule iti trial proper a mangrugi intono Nobyembre 30 karaman ti lungalong nga agsasaruno ti panagdengngeg nga addaan ti breaks ken sitting hours.
