LAOAG CITY – Nangdutok ti International Criminal Court (ICC) ti baro nga expert a makadua ti panel a mangkita iti medical condition ni dati a president Rodrigo Duterte tapno madeterminar no kabaelan na ti agatendar iti panagdengeg.
Kageddan iti daytoy ket in-revoke ti International Criminal Court ti appointment ti sabali pay a panel member ken napawilan a maka-access iti dokumento mainaig iti kaso ni Duterte.
Nakailanad daytoy iti desisyon nga inparuk-at ti ICC Pre-Trial Chamber I iti kiddaw ti depensa para iti kwalipkasyon iti nasao nga eksperto.
Ti nadakamat nga eksperto ket saan pay a nairaman iti Court’s List of Experts, isut gapo na a binilin ti Chamber ti Registry nga iyalisto ti admission iti List of Experts.
Kabayatanna, inyalud-od ti ICC Pre-Trial Chamber I ti deadline para iti Registry nga agpila ti joint wenno individual reports iti panel agingga intono December 5, 2025.
