LAOAG CITY – Pinalubosan ti International Criminal Court (ICC) Trial Chamber III a maitipon ti pito a kanayonan a baro nga insidente iti kaso a crimes against humanity kontra ken ni dati a Presidente Rodrigo Duterte idinto a naikkat ti maysa nga insidente gapu ta saanen a saklaw daytoy ti panawen ti opisial.
Iti desision ti International Criminal Court (ICC), inbasur ti Chamber ti mosion ti depensa a marepaso manen ti dokumento dagiti alegasion a naipila kontra kenkuana, idintomha impettengda nga umdasen dagiti pormal a naisubmitir a pormar tapno naurnos a maisagana ti dati a presidente ti legal a depensana.
Pakairamanan kadagiti napalubosan ket ti insidente a maipagarup a pannakapapatay kadagiti high-value target ken dagiti panaglabsing iti karebbengan ti maysa nga indibidual mainaig kadagiti barangay clearance operation idi panawen ti War on Drugs.
Nupay kasta, naibilin a maikkat iti kaso ti Incident 57 kalpasan a makita a saanen a karaman daytoy ti panawen ti dati a presidente.
Imbilin ti International Criminal Court (ICC) Chamber ti panel ti prosekusion nga urnosen ken i-update ti listaan dagiti testigo, pormal nga ebidensia, ken trial brief sakbay wenno iti umay nga Oktubre 16.
