LAOAG CITY – Nagtalinaed ti takder ti presidente ti International Criminal Court (ICC) a saan da a rumbeng a mapukaw.
Inbatad ni ICC president Tomoko Akane, a saan da nga agsardeng uray iwaragawag ti Estados Unidos a patawan da dagitoy ti sanctions.
Kuna pay ni Akane a nakaawat da met ti suporta manipod iti nagduduma a presidente ken prime ministers kadagiti pagilian.
Uray dagiti naglabas a judges ti ICC ket napatawan metten ti sanctions ngem saan a nakalapped iti panagtrabaho da ken saan da pulos a simmuko.
Immunan nga inrakurak ni US Secretary of State Marco Rubio ti panangipataw da ti sanctions kontra ken ni Akane ken sumagmamano a judges ti ICC.
Mamati ni Akane nga arigna sumubsubbot ti Estados Unidos kalpasan ti panangiparuk-at ti ICC ti warrant of arrest kontra ken ni Israeli Prime Minister Benjamin Netanyahu gapu iti war crimes ken crimes against humanity idi Nobyembre 2024.
