LAOAG CITY – Kiniddaw ti Office of the Prosecutor ti International Criminal Court iti tribunal nga ibasura ti interim release a kiddaw ni dati a Presidente Rodrigo Duterte.
Ti 15 a panid a dokumento a nagkiddaw a nasken nga ibasura ti interim release ket pirmado ni International Criminal Court Deputy Prosecutor Mame Mandiaye Niang.
Inpaganetgetda a ti panagtalinaed ni Duterte iti pagbaludan ket maipasigurado ti panagatendarna kadagiti panagdengngeg no sadinno a maipagarup a saan nga aw-awaten ti dati a Presidente ti lehitimo ti legal a panagdengngeg kenkuana.
Maipalagip nga inrakurak ti defense counsel ti dati a Presidente a ni Nicholas Kaufman a nagkiddawda iti International Criminal Court ti interim release para iti dati a Presidente.
