LAOAG CITY – Target ti prosecutors manipud iti International Criminal Court (ICC) a rugian inton bulan ti Nobiembre ti panagdengngeg iti kaso ni dati a Presidente Rodrigo Duterte.
Insingasingda a mabalin daytoy nga iwayat inton Nobiembre 30 gapu ta namnamaenda a malpas dagiti amin nga addang iti pre-trial agingga inton Setiembre 30.
Iti nasao a petsa ket maipaayan pay ti gundaway dagiti prosecutors nga ibasura ti disclosure-da ken sumagmamano a pre-trial nga addang.
Maliklikan ti aniaman a tumaod a problema a mangitunda ti pannakaitantan ti nasao a panagdengngeg.
Inwayat ti International Criminal Court Trial Chamber III ti anunsio sakbay ti umuna nga status conference ti kaso inton Mayo 27.
Segun met iti biang ti dati a Presidente a ti nasao a petsa ket nakadepende iti determinasion ti Trial Chamber iti salun-at ti dati a Presidente no daytoy ket makaatendar iti panagdengngeg.
Maipalagip a nakabalud ti dati a Presidente iti International Criminal Court iti The Hague gapu iti kaso a crime against humanity manipud iti nadara a drug war.
