LAOAG CITY – Awan ti plano ti Independent Commission for Infrastructure (ICI) a paayaban ni Presidente Ferdinand Marcos Jr. iti panagdengngeg ti Komision.
Daytoy ket iti baet ti inbutaktak ni dati a Cong. Zaldy Co a ni Presidente Marcos ti maipagarup a nangbilin kenkuana iti ₱100 billion insertions iti 2025 national budget.
Inbatad ni Independent Commission for Infrastructure Executive Director Atty. Brian Keith Hosaka, saan a naberipikar ti inruar a video ni Co.
Inlawlawagna a kasapulanda ti sinapataan a salaysay ni Co tapno maallukoy ti Komision.
Kinumpirmaran met ni Hosaka nga awan ti makitkita a koneksion ti inbutaktak ni Co kadagiti ebidensia ken testimonia nga insubmitir kadakuada dagiti pinaayabanda a resource persons.
Innayonna nga awan pay ti desision ti Independent Commission for Infrastructure no mabalin nga ag-testify ni Co via Zoom.
