LAOAG CITY – Inruaren ti Independent Commission for Infrastructure (ICI) ti pagannurotanda iti panangisayangkat ti live streaming iti panagdengngeg iti maanomalya a flood control projects.
Inbatad ni Independent Commission for Infrastructure Executive Director Atty. Brian Keith Hosaka, ti nabukel a pagalagadan ti Independent Commission for Infrastructure ket maiyataday iti 1987 Constitution.
Inlawlawag ni Hosaka nga adda dagiti gundaway a mangiwayatda ti executive session ken depende iti situasion.
Kunana a nangruna no daytoy ket maikabil iti risgo ti seguridad ti resource person-da wenno maikabil iti peggad ti nailian a seguridad.
Innayon ni Hosaka a mangikabilda ti monitor iti media holding area iti Independent Commission for Infrastructure para kadagiti agirakrakurak nga agkob-cover iti panagdengngeg.
