LAOAG CITY – Sinelebraan ti Iglesia Filipina Independiente ti maika-117 nga anibersaryo na ita nga aldaw, Agosto 3.
Ummuna a naiyuswat ti libot ken kalpasan na ket adda ti misa iti covered court ti Sta. Rosa National High School iti ili ti Sarrat nga indaulwan ni Monsignor Trinidad Cortez, padi idiay Lanao, Burgos.
Naamoan nga umabot ti 600 a tattao ti nakipagpaset iti nasao a selebrasyon.
Maipalagip a nabwangay ti Iglesia Filipina Independienteidi Agosto 3, 1902 babaen kenni dati a Catholic Priest Gregorio Aglipay.
