LAOAG CITY – Inpakaammo ni Engr. Shiela Opelac, ti mangidadaulo iti City Agriculture Office ditoy siudad ti Laoag a saan pay laeng a maipalubos ti panagtaraken dagiti mangngalap kadagiti ikan a saan a salt-tolerant.
Segun kenkuana, daytoy ket kalpasan ti mapaspasaran a climate change wenno ti panagbaliw-baliw ti panawen.
Inbatadna nga adda dagiti tulong nga inpaay ti lokal a gobierno para kadagiti naapektaran a mangngalap iti Metro Gabu ken Metro Lapaz babaen iti Assistance to Individuals in Crisis Situation.
Inlawlawagna a babaen iti daytoy nga addang ti opisinada ket maliklikan a mapasamak manen ti napasamak a fish kill kadagiti dua a nadakamat a barangay.
Innayonna nga agtultuloy met ti panangisayangkatda iti pannakaipaay kadagiti fingerlings para kadagiti mangngalap a dakkel a tulong para kadagiti pagbiaganda.
