LAOAG CITY – Im-imbestigaren ti Department of Environment and Natural Resources Regional Office iti ili ni DENR Sec. Roy Cimatu iti Bangui, Ilocos Norte gapu ti maipagarup a panagisayangkat ti illegal quarrying ti lokal a gobyerno iti nasao nga ili.
Immunan a naipakustudyar dagiti tallo a dumptruck ken maysa a backhoe iti Community Environment and Natural Resources Office-Bangui gapu ti panagipulong ni Sangguniang Bayan Member Joey Soriano ken saan a nagpaot ket nairelease dagitoy iti saan nga ammo a rason.
Inpetteng ni Soriano ditoy Bombo Radyo nga awan ti permit nga inpresentar ti LGU Bangui mainaig ti panagiwayat da ti quarry operation.
Segun kenni Soriano, basar iti DENR regional office ket nasken nga adda ti permit dagiti nagkuquarry ken mamonitor ti volume dagiti maala a daga uray addaan ti gratuitous permit ti gobyerno.
Iti immunan a palawag ni Soriano ket maus-usar dagiti qaurry para iti pannakapadur-as ti sanitary landfill ngem naamuan na a maus-usar gayam iti proyekto a pinonduan ti Department of Agriculture nga ipatpatungpal ti Department of Public Works and Highways.
