LAOAG CITY – Inpakammo ni Police Lt. Eddie Valdez, chief of police ti PNP-Adams a temporaryo a saan nga agpastrek para kadagiti turista a bumisita iti lugar da.

Daytoy ket kalpasan a dimmalan iti surveillance testing ti agarop 10 a porsiento ti populasyon ti ili ti Adams.

Inbatad na a basar iti Rural Health Unit (RHU) iti nasao nga ili, agdepende iti resulta ti testing ti kapaot ti pannakairikep ti nasao nga ili.

Mainaig iti daytoy, kuna ni Valdez a naiget ti panagpartolya wenno panagbantay da iti ili da tapno awan pay laeng ti makastrek a turista ken adda ti inpan da a pakdaar iti border.

Kabayatanna, inpasigurado ni Valdez a dagiti residente nga agkalikagom nga agawid iti ili ti Adams ket silulukat latta ti ili para kadakuada.