LAOAG CITY – Manamnama a maipan iti babaen ti Modified Enhanced Community Quarantine (MECQ) iti ili ti Bacarra intuno lunes.
Daytoy ti inpakaammo ni Governor Matthew Marcos Manotoc kabayatan ti naisayangkat ti virtual press conference.
Inlawlawag ni Manotoc a ti nasao nga addang ket namunganay gapu iti agtultuloy ti panagngato ti kaso ti covid-19 iti nasao nga ili.
Inbatad na a ti maipatungpal nga MECQ ket kas iti immunan a naipatungpal iti ili ti Dingras.
Kuna na a babaen iti daytoy, alalisto a malappedan ti panagwaras ti virus.
Innayun ti gobernador nga adda metten ti panagsarita da kenni Bacarra Mayor Fritzie dela Cruz-Gapasin mainaig iti daytoy a banag.
