LAOAG CITY – Nangiparuk-at ni Governor Matthew Marcos Manotoc ti executive order seknan ti pannakaisubli iti MGCQ iti ili ti Dingras mangrugi ita nga aldaw.
Daytoy ket base iti assessment ti DOH no sadinno a ti Average Daily Attack Rate ti nasao nga ili ket 6.2 (medium) idinto a t 2 week growth rate ket -52.7 (low) rason a maipan iti MGCQ iti ili ti Dingras.
Ti ili ti Dingras ket sakop ti EO 118-21 nga isu ti guidelines a masurot ken maipatungpal.
Base iti EO124-21, naikkan ti bileg ni Mayor Joefrey Saguid a mangimpose ti lockdown kadagiti apektado a lugar pakairamanan ti pannakamentenar ti schedule ti tiendaan iti Dingras
Maipalagip nga itay kallabes ket naipan iti MECQ ti nasao nga ili gapu ti panagngato ti kaso ti COVID.
Iti agdama ket adda ti 37 nga aktibo a kaso ti COVID iti ili ti Dingras.
Kadagitoy a gundaway ket naikkaten dagiti border checkpoints iti nasao nga ili.
