LAOAG CITY – Nangisayangkat idi pay kalman ti gobyerno municipal ti ili a Pagudpud ti “force evacuation” kadagiti masikog, agtagtagabi, senior citizens ken adda rangkap na iti bagi nga umili iti ili ti Pagupud kasanguanan a nakita ti PAGASA a ti nasao nga ili ti direkta a tamaan ni bagyo nga Ompong.
Daytoy ti inbatad ni Mayor Marlon Sales ti nasao nga ili.
Segun ken ni Sales, inbakwit da nga agapayso dagiti nasao a personalidad ngem itay bigat ket nagsublida kadagiti paagtaengan da ngem inbati da dagiti gamit da.
Kuna na nga awan parikot dagiti naestablisar nga evacuation center iti ili da gapu ta addaan dagiti kasapulan dagiti maibakwit kas iti inumen wenno pagdigos a danum, pageddaan.
Nakasagana metten dagiti maibunong a relief goods no dumakes laeng ti tiempo.
Kabayatan na, inbaga ti Mayor a binagaanda dagiti agtagikua kadagiti resort ken hotels a no adda dagiti naka-check-in ket pagawidendan ken no adda iti ag-check-in ket saan da pay laeng nga akumudaren para met laeng iti pagsayaatana da.
