LAOAG CITY – Inrakurak ni P/Col. Frederick Obar, Provincial Director ti Ilocos Norte Police Provincial Office a maibilang nga areas of concern iti ili ti San Nicolas para iti mapaspasangasangan a 2025 Midterm Elections.
Gapu iti daytoy, inpasingkedna a nakasaganan ti security measures para kadagiti agipila ti Certificate of Candidacy para iti masungad nga eleksion tapno maliklikan dagiti saan a napintas a mapasamak.
Inbatadna nga adda dagiti security measures ti ad-adalenda iti pannakikammayetda iti Commission on Elections para iti nakappia a panagpipila ti kandidatura.
Innayonna a kitkitaenda pay dagiti wagas iti panagsagana ti eleksion kadagiti naglabas a tawen tapno naan-anay a maipaay ti seguridad dagiti maseknan a kandidato.
