LAOAG CITY – Ibilang ni Mayor Alfredo “Boying” Valez Jr. iti ili ti San Nicolas a ti nangabakan da manen iti Galing Pook Award iti maikadua a gundaway iti “national level” gapu iti panangiraman da iti pagadalan ti pannakaammo dagiti kultura ti ili da.
Segun ken ni Valdez, agpayso a narigat a maisuro ti panangammo ti kultura iti maysa a lugar kas koma iti municipal anthem, folk song, sala, ken dagiti nakaikadaywan nga aramid kas iti panagdamili, ken panagpanday isu nga inraman da iti pagadalan nga adalen dagiti ub-ubbing tapno maamuan da.
Inpanakkel a ti ili da ti posible a kakaisuna nga ili ditoy probinsiya nga adda ti pakasaritaan na a maysa kadagiti nangabakan da ken dadduma pay panggep ti kultura.
Mamati ti opisyal a ti kultura ket importante unay iti pannakamuli ti maysa a nasyon.
Nagyaman ti mayor kadagiti empleyado ti musipyo ken iti sektor ti edukasyon gapu iti balaligi a nagun-od da .
Maipalagip nga itay napalabas a tawen ket nagun-od manen ti ili ti San Nicolas ti nasao a pammadayaw a no sadinno a nagsentro idi ti tema ti insalip da panggep ti panagtalon.
Inadmitir ni Valdez a sagsaganaan da manen iti pannakisalip iti masungad a tawen a no sadinno a ti plano da a pangisentruan ket maipapan iti pannakasaluad ti aglawlaw.
