LAOAG CITY – Inbatad ni Police Senior Inspector Jonvale Maramag, Chief of Police ti Dumalneg nga adda ti narekobre da a electro fising device wenno pagkuryente iti Bolo River iti Barangay Isidro iti nasao nga ili.
Immuna iti daytoy, adda ti naawat da a report nga adda ti nangiyuswat ti iligal a panagkalap iti nasao a karayan.
Segun kenni Maramag, bayat a nakadanon da iti lugar ken adda ti nakita da a bote ti arak, pakete ti sigarilyo a naglon iti innem nga stick ti maipagarop a marijuana.
Inbatad na nga iti panagturong da iti lugar ken naamoan da a maipagarop nga adda nagruar a lames iti karayan.
Saan met a makumpirmaran ni Maramag no nausar ti iligal a pagkalap.
