LAOAG CITY – Inbatad ni Mr. Marc Moneda, maysa nga Ilocano film director saan na a bukod a pammadayaw ti Filipino Academy of Movie Arts and Sciences Awards wenno FAMAS Awards gapu iti panagbalin a Best Short Story Film ti inaramid na a pelikula a “See You George”.
Kuna ni Moneda a daytoy ket gapu ta para pay iti probinsya nga isu ti pagtaengan ken naggapoan na.
Immuna iti daytoy, inpakaammo ni Moneda nga ubing pay idi inayat na ti panagaramid ti pelikula ken maysa daytoy kadagiti kangrunaan nga arapaap na.
Segun ken ni Moneda, ti panagaramid ti pelikula ket saan nga alisto ken kasapulan ti ado a proseso.
Kuna na a masapol nga umuna a maanilasar ti gagem a maparuar iti maysa a pelikula nangruna iti maysa a direktor.
Mainaig iti daytoy, inbunannag na a nasken nga ammoen nu kaano a mangrugi ken agleppas ti maysa nga istorya.
Innayun na a napateg pay a mapili a naimbag dagiti kadua iti production gapu ta dagiti mapagtalkan ti kasapulan iti industriya ti pelikula.
Kabayatanna, inbatad ni Moneda a ti kangrunaan a nagbalin nga inspirasyon na iti panagaramid ti pelikula ket dagiti nagganak kenkuana.
Kuna ti direktor nga ibilang na ti panagramid ti pelikula nga entablado tapno mangeggan ti boses ti kaaduan.
