LAOAG CITY – Inrakurak ni Mr. Arvin Gudoy, mangidadaulo iti Communications and Media Office iti kapitolyo probinsiyal ti naiget a panangsuporta ti gobyerno probinsyal ti panangidaulo ni Presidente Rodrigo Roa Duterte ti pagilian.
Daytoy ti nagbalin a mensahe ni Gov Imee Marcos babaen ti surat nga inbasa ni Mr. Gudoy iti naangay a panagtitipon dagiti umili iti kapitolo probinsial.
Inbatad ni Gudoy a naiget a sup-suportaran da ti kalikagum ni Duterte iti sistema ti gobyerno ken dagiti programa tapno mapasaayat ti biag dagiti Pilipino.
Kinondenar da ti plano a pannakapadisi ni Duterte iti turay babaen kadagiti kontra ken agkaykaysa ti probinsya a masalakniban ti presidente ken dagiti narugian na a reporma para ti Pilipinas.
Innayon ni Gudoy a nasken a maprotektaran ti pudno a demokrasya ken kapya iti pagilian.
