LAOAG CITY – Nag courtesy call dagiti pannakabagi ti Malakanyang iti Kapitolyo probinsiyal partikular iti opisina ni Acting Gov. Angelo Marcos Barba.
Binigbig ni Barba ti maysa kadagiti panakabagi ti Malakanyang a nagcourtesy call iti opisina na a ni Under Secretary Cecilia Estrada Villanueva.
Kuna ni Barba, gagem iti panagturong dagiti pannakabagi ti Malakanyang iti probinsiya ket tapno ipakaammo da ti maangay a meeting dagiti lideres ti ASEAN.
Daytoy ket tapno makapagsagana ti probinsiya apaman a madanunan ti aldaw a naituding a pannakatuloy ti meeting.
Kuna ti acting gobernor nga ita pay ket nagasat ti probinsiya gapu ta napili a pakaangayan ti meeting a naiyiskedule a maangay iti masungad a bulan ti Agosto.
Saan met pay nga ammo ni Barba no ania dagiti mabalin a mapagsasaritaan wenno agenda ngem posible a maipanggep iti renewable energy.
