LAOAG CITY – Umaboten iti 80 a puesto wenno booth a pakakitaan dagiti nagduduma a produkto ti Ilocos Norte kas paset ti Ilocos Norte Bicentenial Trade Fair wenno “Tiyenda ni Gov”
Segun kenni Mr. Edison Natividad, officer in charge ti Small and Medium Enterprise Office ditoy probinsya, gagem ti aktibidad ket tapno maitandudo dagiti produkto ti probinsya.
Mai-feature ti “Tiyenda ni Gov” iti agriculture’s cluster day a nakipasetan ti Provincial Agriculture Office, MMSU, Philippine Rice Research Institute ken iti DOST.
Maaddaan pay ti seminar dagiti entrepreneur para ti naan-anay nga adal da iti panagnegosyo.
Mainaig iti daytoy, nagyaman met ni Sangguniang Panlalawigan Member Matthew Marcos Manotoc kadagiti nakipaset iti “Tiyenda ni Gov”.
Namnamaen ni Manotoc nga ad-adu pay dagiti makipaset iti nasao nga programa.
