LAOAG CITY – Dakkel a karit para iti panag-host ti Ilocos Norte iti Southeast Asian Games wenno Asian Games gapu iti kinakurang dagiti hotel ditoy probinsia.
Daytoy ti inpakaammo ni Gov. Matthew Marcos Manotoc iti pannakaala ti takderna iti rakurak ni Sec. Juan Edgardo “Sonny” Angara a mabalin a sumaruno a maisayangkat ditoy Ilocos Norte dagiti nadakamat a dadakkel nga sports competition.
Inbatadna a nagasat ti probinsia gapu ta mabalin nga agtarus dagiti ubbing nga atleta kadagiti pagadalan.
Kunana a kadagiti natataenganen nga atleta kas kadagiti makipartisipar iti SEA Games wenno Asian Games ket saan a mabalin nga agtarus dagitoy kadagiti pagadalan.
Nupay kasta, inpatalged ti Gobernador nga agtultuloy ti panangitandudo ti Provincial Government of Ilocos Norte iti “sports tourism.”
Inpanamnamana ti itutulong ti probinsia kadagiti dadakkel nga aktibidad iti benneg ti sports.
