LAOAG CITY – Dakkel a makatulong ti Ilocos Norte Firefighting group a mangbanbantay kadagiti kabanbantayan nangruna ita a napigsa ti angin.
Segun ken ni Mr. Victor Dabalos, mangidadaulo ti Provincial Environment and Natural Resources Office, addan ti pannakisarsaritada kadagiti maseknan a residente nga adda iti asideg ti lugar a kangrunaan a pakapaspasamakan ti uram.
Inbatadna a babaen iti daytoy ket maliklikan nga adda ti mapasamak a forest fire wenno grass fire.
Kunana nga adda dagiti napusgan a pannakabagi ti opisinada a mapan agpatrolya kadagiti kabanbantayan tapno maipasigurado ti kinatalged ti aglawlaw.
Innayonna a malaksid iti Ilocos Norte Firefighting group ket dakkel pay a katinnulonganda dagiti Barangay Ranger Officers.
