LAOAG CITY – Nagballaag ti Ilocos Norte Highway Patrol Group kadagiti motorista a rumuar ken sumrek iti probinsya nangruna kadagiti Public Utility Vehicle.
Segun Police Lt. Jojo Baldovieso, Chief Operations ti Ilocos Norte Highway Patrol Group, agtultuloy latta ti panagsita da kadagiti motorista ken makibinnulig da kadagiti local police stations para iti pannakaiyuswat ti checkpoint.
Inbatad na a naiget ti panagmonitor da kadagiti motorista nangruna kadagiti agturong iti pagdudupudupan dagiti tattao wenno tourist spots.
Kabayatanna, inlawlawag na nga ita nga holiday season ket masapol ti panagannad ken kitaen a nasayaat ti behikulo sakbay nga agbyahe.
