LAOAG CITY – Naladangit nga inpakaammo ni Dr. Loida Valenzuela, ti Provincial Veterenarian a ti Ilocos Norte ti addaan ti kangatoan a kaso ti rabies iti intero a pagilyan iti tawen 2023.
Segun kenni Valenzuela, makita a mismo iti surveillance nga adda ti panagwaras ti rabies ditoy probinsya gapo kadagiti walang nga aso.
Inbatad na nga idi tawen 2023, umabot iti 181 a kaso ti nairekord a rabies ditoy probinsya.
Mainaig iti daytoy, kunana nga adda met ti 5 year plan nga ar-aramiden ti Provincial Veterinary Office kas kadagiti aktibidad ken estratehiya tapno malapdan ti panagngato iti kaso ti rabies.
Kabayatanna, nagballaag ni Valenzuela iti publiko iti usto a panagtaripato iti taraken tapno saan a ngumato ti kaso ti animal bites ditoy probinsia.
Innayon na a rumbeng a pabakunaan dagiti taraken tapno masigurado iti seguridad ii pamilya ken ti komunidad.
