LAOAG CITY –
Pormal a nalukatan ti Ilocos Norte-La Union Travel and Trade Fair ita nga aldaw iti dakkel a mall iti ili ti San Nicolas.
Tampok iti nasao nga aktibidad dagiti ipanpannakel a produkto ti duwa a probinsiya a mabalin a magatang iti 30% a diskuento.
Segun kenni Mr. Aian Ree Raquel, Provincial Tourism Officer ti probinsiya, ti kangrunaan a gagem ti nasao nga aktibidad ket tapno maipakaamo ti pannakapabaro ti partnership iti ilocos norte ken ti La union.
Inbunanag ni Raquel a babaen iti nasao nga addang ket adadda pay nga maital-o iti biyang ti turismo ken detoy ket inisyatibo da Gov. Matthew Marcos Manotoc ken ni Gov. Pacoy Ortega.
Mamati ni Raquel dakkel a makatulong daytoy iti duwa a probinsiya gapo ta agpada nga ada iti tourism corridor ti Northern Luzon.
Kabayatanna, inpakaammo ni Arthur Cortez Jr. Provincial Tourism Officer ti probinsiya ti La Union, a daytoyen ti maikadwa a tawen ti partnership da iti Ilocos Norte.
Mangnamnama a babaen ti pannagbinulig ti Ilocos Norte ken La Union ket alalisto a makabangon manipud iti epekto ti pandemya nga intunda ti COVID-19 virus.
Innayon ni Cortez a napili da ti Ilocos Norte a nakibinnuligan gapo ta napigsa ti turismo iti nasao a probinsiya.
Maiyuswat iti Ilocos Norte-La Union Travel and Trade Fair agingga inton Domingo, Setyembre 11.
