LAOAG CITY – Mabigbigbig ti Ilocos Norte kas maysa kadagiti top producers ti mangga.
Segun ken ni Mr. Juvito Baldivo, High Value Crops Coordinator, kaadduan kadagiti maburburas a mangga ditoy probinsia ket maipatulod kadagiti nagduduma a lugar ditoy pagilian kas idiay Cebu City.
Inbatadna nga iti baet nga adda dagiti nagsasaruno a bagyo a dimmuprak ditoy probinsia ket adu latta dagiti mapatpatanorda a bunga ti mangga.
Inlawlawagna a ti peak season dagiti mangga ket iti bulan ti Marso agingga iti Mayo.
Kunana a nag-oversupply pay ti mangga ita a tawen ditoy probinsia manipud idi Enero agingga iti Hunio.
