LAOAG CITY – Maibilang a maikapat ti Ilocos Norte kadagiti kababaan iti presio ti kuriente iti intero a pagilian a Pilipinas.
Segun ken ni Mr. Perry Martinez, Acting General Manager ti Ilocos Norte Electric Cooperative wenno INEC, manipud kadagiti kadagiti 123 nga electric cooperatives ket napagtalinaed ti kooperatiba ti nababa a presio ti kuriente.
Inlawlawagna a saan a kabaelan ti Ilocos Norte Electric Cooperative nga abaken dagiti tallo a kooperatiba gapu ta dagitoy ket naka-geothermal ken hydro dagitoy.
Inlawlawagna a babaen ti suporta dagiti member consumer and owners ken dagiti political leaders ket nagtalinaed a nababa ti presio ken napintas ti financial status ti kooperatiba isu a saanda a kasapulan nga ipasa kadagiti member consumer and owners dagiti gasgastoenda para iti pannakapapintas ti serbisioda.
