LAOAG CITY – Inpan ti Inter-Agency Task Force ti Abra, Baguio City ken Bohol iti babaen ti general community quarantine (GCQ) with heightened restrictions manipod ita nga aldaw, Setiembre 24-30.
Iti inparuk-at nga statement ni Presidential spokesperson Harry Roque, maipan metten ti probinsya nga Ilocos Nort iti babaen ti GCQ kadagiti nadakamat nga aldaw manipod iti dati a modified enhanced community quarantine.
Kuna na a kabayatan ti pannakaipatungpal ti GCQ with heightened restrictions, mabalin nga agoperar ti indoor dine-in services iti 20% a seating capacity idinto a ti al fresco wenno outdoor dining services ket 50% capacity.
Agoperar agingga iti 30% a kapasidad dagiti beauty salons, parlors, barbershops ken nail spas idinto a ti outdoor tourist attractions ket mapalubusan met iti agingga 30% a venue capacity ngem masurot ti health protocols.
Mapalubusan pay dagiti Business establishments nga addaan ti safety seal certifications nga agoperar ken manayunan ti 10% ti on-site capacity daytoy.
Kabayatanna, kuna ni Roque a ti panagtataripnong, conventions, exhibition events ken social events iti venue establishments ken saan a maipalubos.
Innayun na a dagiti specialized markets ti Department of Tourism kas iti staycations nga awanan ti age restrictions ket maipalubus iti limitado a kapasidad, protocols ken restrictions nga ipatungpal ti ahensya kasta pay nga aginnga iti 10% ti kapasidad iti religous gathering.
Mainaig iti daytoy, maipalubo metten ti Interzonal travel ngem nasken a masurot ti restrictions ti LGU a pagturungan.
Kabayatanna, kuna ni Roque a ti dadduma a pagalalagadan ken restrictions ket posible nga ipatungpal ti DOT ken ti LGU.
