BOMBO LAOAG – Mangidonar ti gobierno probinsyal iti 300 a ribo a pisos idiay Itogon, Benguet.
Daytoy ket kalpasan ti napasamak a landslide iti nasao a lugar a nakatayan ti dinosdosenan a tattao idinto nga adda nagtalinaed a mapukpukaw.
Immuna ti daytoy, inaprubaran ti Sang Panlalawigan ti maysa a resolusyon seknan ti pannakaipaay ti bileg ken ni Governor Imee Marcos a mangibagi iti probinsya para ti maited a tulong idiay Itogon, Benguet.
Inbatad ni Sang panlalawigan member Davinci Crisostomo a ti nasao a gatad ket ideretso da iti gobierno municipal idiay Itogon.
Mangnamnama ti bokal nga uray bassit laeng a kantidad ket makatulong kadagiti nagbalin a biktima ti landslides idiay Itogon, Benguet.
