LAOAG CITY – Nagtalinaed a nalinak ditoy probinsya bayat nga umas-asideg ti May 13 Midterm Elections.
Daytoy ti inpasigurado ni Police Supt. Reynante Baltazar, ti Deputy Provincial Director for Operations iti Ilocos Norte Police Provincial Office (INPPO).
Inbatad ni Baltazar nga iyur-uray da ti panangrugi ti kampanya iti biang iti lokal intono Marso 29 ita a tawen.
Nupay kasta, mamati ni Baltazar nga agbalin a nalinak ken naurnus ti eleksyon ditoy probinsya gapu ta malaksid nga adda ti pinirmaan a peace covenant dagiti kandidato ket makasarsarita da pay dagiti maseknan.
Mangnamnama ti opisyal nga awan dagiti politiko ditoy probinsya nga agbibinnara para iti umay a panagpipili.
