LAOAG CITY – Nagtalinaed nga African Swine Fever (ASF) free ditoy probinsya nga Ilocos Norte.
Daytoy ti inpasingked ni Doctor Loida Valenzuela, Provincial Veterinarian ditoy probinsya.
Inbatad na a ditoy probinsya ket adda ti maysa a mannalon a gimmatang ti dua a baboy iti Auction market idiay Cagayan ken awan ti dokumento na.
Inlawlawag na a ti auction market ket nagpupunipunan dagiti nagduduma a taraken manipod iti nagduduma a lugar a mabalin a naapektaran ti ASF.
Iti panagimbestigar da ket boluntaryo ti mannalon a nangipakali kadagiti ginatang na a baboy uray saan a positibo ti ASF.
Saanen a dinakamat ni Valenzuela no ania nga ili ti dakdakamaten na a lugar ti nasao a mannalon.
